Prófið.is - Skilmálar

Almennt

Prófið.is veitir aðgang að stafrænu fræðslu- og æfingarefni í formi glósa, æfingaspurninga og annars kennsluefnis sem ætlað er að aðstoða einstaklinga við undirbúning fyrir inntökupróf í læknisfræði, tannlæknisfræði og sjúkraþjálfunarfræði við Háskóla Íslands.

Með því að kaupa aðgang að þjónustunni samþykkir notandi þessa skilmála.

Eðli þjónustunnar

Þjónustan felur í sér undirbúnings- og kennsluefni sem er ætlað til sjálfsnáms. Efnið:

• Er ekki með nokkru móti í tengslum við eða á vegum Háskóla Íslands
• Tilvísanir til námsleiða eða inntökuprófa eru eingöngu í lýsandi tilgangi.
• Er ekki opinbert inntökupróf

Efnið og þjónustan er veitt „eins og hún er“ (as is), að því marki sem lög leyfa.

Engin trygging fyrir árangri

Prófið.is veitir enga ábyrgð eða tryggingu fyrir:

• Því að notandi fái inngöngu í sjúkraþjálfun, læknis- eða tannlæknisfræði
• Ákveðinni einkunn eða niðurröðun

Árangur í inntökuprófum ræðst af fjölmörgum þáttum, þar á meðal eigin vinnu, undirbúningi, getu notanda, prófdegi, fjölda þáttakenda og samkeppni milli umsækjenda.

Takmörkun ábyrgðar

Prófið.is ber ekki ábyrgð á:

• Niðurstöðu prófa eða ákvörðunum þriðja aðila (þ.m.t. HÍ)
• Breytingum á inntökuprófum, reglum eða fyrirkomulagi prófa
• Mistökum eða ónákvæmni í efni, að því marki sem lög leyfa
• Tæknilegum truflunum, tímabundnu aðgengisleysi eða kerfishruni

Ekkert í þessum skilmálum takmarkar ábyrgð sem ekki er heimilt að undanskilja samkvæmt íslenskum lögum.

Hugverkaréttur

Allt efni þjónustunnar, þar með talið texti, spurningar, útlit og uppsetning, er eign Prófið.is og er varið samkvæmt höfundarréttarlögum.

Notanda er heimilt að:

• Nota efnið eingöngu til eigin náms

Óheimilt er með öllu:

• Að deila aðgangi
• Afrita, endurbirta eða dreifa efni
• Selja eða afhenda efni þriðja aðila, hvort sem er gegn endurgjaldi eða ekki

Við brot áskilur Prófið.is sér rétt til að loka aðgangi án endurgreiðslu.

Aðgangur, greiðslur og endurgreiðslur

Aðgangur að þjónustunni er veittur í samræmi við þá tegund aðgangs sem keyptur er.

Þar sem um er að ræða stafrænt efni sem veitt er strax, gildir almennt engin endurgreiðsla eftir að aðgangur hefur verið virkjaður, í samræmi við undantekningar frá afturköllunarrétti samkvæmt neytendalögum, enda hafi notandi samþykkt að aðgangur hefjist strax og að með því falli afturköllunarréttur niður.

Persónuvernd

Meðferð persónuupplýsinga fer samkvæmt persónuverndarstefnu Prófið.is, sem er aðgengileg á vefsíðu þjónustunnar.

Breytingar á skilmálum

Prófið.is áskilur sér rétt til að breyta þessum skilmálum. Breytingar taka gildi við birtingu á vefsíðu og/eða við næstu innskráningu notanda.